كلمات زفة ارق من النسيم عبدالمجيد عبدالله

بعد بسم الله الرحمن وصلى على المختار
هلا بك وارحبي ضيّتي وكل ما تقربين تزود

تحبك كل القلوب الحاضرة اللي تضوي ليل الدار
ترفّ مثل الفرح حولك غمامة للسما وحدود

في حضرة زينك الليلة حضورٍ يذهل الأشعار
أبد ما توصفك كلمة كثر سبحانه المعبود

ومهما الشعر أبدع بك وجاب من الفضا أفكار
خياله ينعذر قدام زينك والعيون السود

آمنة ولا تهادت به على اسم الله والأذكار
يا كيف أوصف شعور الأرض برقة خطوتك والعود

آمنة ويكفي لا قالوا آمنة المدح بك يحتار
لأنك أجمل وأنذر من اللي انقال والموجود

من نور وجهك الضي اللي يتوجه له النوار
تشوف وينشرح صدر المسا بك والعيون شهود

جمالك يشبه الشمس اللي بين الصبح والأسحار
وأرق من النسيم اللي علينا بالبراد ينود

جيدٍ وقد عيون وخد وبسمة مثلها ما صار
كرم أخلاقك وذوقك وصوفٍ ما عليها زود

تجملهم معانيك وعذوبتها كما الأمطار
وتعكس أصلك الراقي وهيبة طلتك والجود

وعلى طاري السنا والجود هلا بك والنعم مليار
وهلا بك يا بنت ماجد وهلا بك والمعاني تجود

يا بنت الحر وافي الصيت زبن المعتزي والجار
سليل الوافيين اللي يقودون المكارم قود

يا بنتٍ من السما سمّك وخذتي من خصاله كثار
غلا هالطيب والزين وحشمة طبعها المحمود

إلهي يسعدك في ظل محمد عالي المقدار
نعم تستاهلين الزين وهو يستاهلك يا آمنة

هذاك الشهم سمح الوجه كريم الأصل والأشبار
عزيز الجاه بفعوله تشوم عنها المنقود

ولد عبدالله ذاك اللي سليل المجد وتجيك أخبار
نبا وصيته مثل الشمس ما تبغي عليها شهود

سلام الله على مثله سلامي والتحايا كبار
ونعم ماجد لأنك مثله أنت من كرام جدود

ولكم يا صفوة الشحي ونسل شيوخها الأخيار
نبي نضوي المساء بحب وغلا نملى الرياض ورود

عسى ربي يحفظكم ويسعدكم الله عالم الأسرار
يا رب آمين ويرزقكم سعادة ما تعرف حدود

عدد ما صلت الدنيا على الهادي النبي المختار
وعدد غيث المزون وما لحق براقها رعود