كلمات زفة ارحبي راشد الماجد

ارحبي يللي بحضورك تمتلي الدنيا جمال

والقمر ينساب ضيّه فوق ممشاك و يسيل

مـقـبـله وما كـنّـك الّا من أميـرات الخيـال

والسحايب خيل وتردف موكب النور الطويل

في زفافك لو تـهنـّيي الأرض نجمات الليال

من غلاك إنـشوفها يا هند في حـقـّك قليل

كيف لا وانتي اللي وجهك عافيه وراحات بال

ومن جمالك لا ابتسمتي كلّ شي يصبح جميل

ضحكِتِك يا هند غيمه وصوتك الماي الزلال

وْطَـلّـتـك فيها مهـابـة من يـنـاظرها يـخيـل

وَقـفَـة المهرة الأصيلة..عين و مْعَـنّـق غزال

وان مشيتي مْن الـرّزانه كنّك الشعر الجزيل

ألف سبحان اللي كمّل زينك بْعذب الخصال

حِشمه واخلاق ومعاني تعكس الأصل النبيل

بنت شيـخٍ لا انطرى من جوده تفوح الدِلال

بنت عبدالله رفـيـع المستوى زبـن الدخيـل

يسعدك ربي بْحما ذاك الوفي شيخ الرجال

الكـفـو غانـم هذاك الـنـّادر الـحُـرّ الأصيـل

بن حمد نجـْل الكـِرام ونسْل وافين الفِعال

اللي يستاهلـْك وفـاز بْـقلب ما مثله مثيل

ياعسى يحفظكم الله في سعادة و طيْب فال

وْيجعَل افراح آل ثاني دايـمه صبـْحٍ و ليـل

يا جعَل آمين ويسعدكم إلٰـهي ذو الجلال

عَدّ نجمات السما و الغيم وما جاد الهميل
….
لسماع الزفه كامله مع الاسماء حسب الطلب وبنفس الاصوات
زفة ارحبي راشد الماجد